ടൊയോട്ട ഹൈലക്സ് എന്ന പേര് കേൾക്കുമ്പോൾ ആദ്യം മനസ്സിൽ വരുന്നത് വിശ്വാസ്യത, കരുത്ത്, ഓഫ്-റോഡ് ഉപയോഗം എന്നിവയാണ്. ലോകത്തിലെ ഏറ്റവും വിശ്വസനീയമായ പിക്കപ്പ് ട്രക്കുകളിൽ ഒന്നായി അറിയപ്പെടുന്ന ഹൈലക്സ്, ഇന്ത്യയിൽ ഇപ്പോൾ കൂടുതൽ പരിഷ്കാരിയായി എത്തിയിരിക്കുകയാണ്.
ഈ അപ്ഡേറ്റ് വെറും പുതിയ ഗ്രില്ലോ ഹെഡ്ലാമ്പുകളോ മാത്രമല്ല. ഡ്രൈവിംഗ് അനുഭവത്തിലും സാങ്കേതികവിദ്യയിലും ദൈനംദിന ഉപയോഗസൗകര്യത്തിലും ശ്രദ്ധ കേന്ദ്രീകരിച്ചുള്ള മാറ്റങ്ങളാണ് എന്നാണ് ടൊയോട്ട പറയുന്നത്!
ഡിസൈനിൽ പരിചിതമായ രൂപം, കൂടുതൽ ആധുനിക ഭാവം
ഹൈലക്സ്ന്റെ ഐഡന്റിറ്റി നഷ്ടപ്പെടുത്താതെ കൂടുതൽ ആധുനിക ഫ്രണ്ട് ഫേഷ്യയാണ് ടൊയോട്ട നൽകിയിരിക്കുന്നത്. പുതിയ ഗ്രിൽ, എൽ ഇ ഡി ലൈറ്റിംഗ്, ബമ്പർ ഡിസൈൻ എന്നിവ വാഹനത്തിന് കൂടുതൽ ശക്തമായ റോഡ് പ്രസൻസ് നൽകുന്നു. ഇത് ഒരു ഫാമിലി എസ് യു വിയെ പോലെ നടിക്കുന്നില്ല എന്നത് ശ്രദ്ധേയമാണ് ഇന്നും ഇത് ഒരു യഥാർത്ഥ പിക്കപ്പ് തന്നെയാണ്.
സസ്പെൻഷൻ കൂടുതൽ മെച്ചപ്പെടുത്തി
ഹൈലക്സ് ഇന്നും അതിന്റെ ബോഡി-ഓൺ-ഫ്രെയിം നിർമ്മാണം തുടരുന്നു. എന്നാൽ സസ്പെൻഷൻ ട്യൂണിംഗിലും ഷോക്ക് അബ്സോർബറുകളിലും വരുത്തിയ മാറ്റങ്ങൾ റൈഡ് കംഫർട്ട് മെച്ചപ്പെടുത്താൻ സഹായിക്കുന്നു.
ലോഡില്ലാതെ ഓടിക്കുമ്പോഴും പഴയ മോഡലിനെ അപേക്ഷിച്ച് കൂടുതൽ നിയന്ത്രിതമായ അനുഭവം നൽകാനാണ് ടൊയോട്ട ശ്രമിച്ചിരിക്കുന്നത് എന്നാണ് പറയുന്നത് പക്ഷെ റൈഡ് അത്ര സ്മൂത്ത് അല്ല, പഴയതായിരുന്നു മെച്ചം!
2.8 ലിറ്റർ GD ഡീസൽ എൻജിൻ
വിശ്വാസ്യതയ്ക്ക് പേരുകേട്ട 2.8 ലിറ്റർ GD ടർബോ ഡീസൽ എൻജിൻ തന്നെയാണ് ഹൈലക്സ്ന് കരുത്ത് നൽകുന്നത്. ശക്തമായ ടോർക്കും ഓഫ്-റോഡ് ശേഷിയും നിലനിർത്തിക്കൊണ്ട് ദീർഘദൂര യാത്രകൾക്കും ഹെവി-ഡ്യൂട്ടി ഉപയോഗത്തിനും അനുയോജ്യമായ പ്രകടനമാണ് ഇത് നൽകുന്നത്.
ഓഫ്-റോഡിൽ ഇന്നും അതേ വിശ്വാസം
നാലു വീൽ ഡ്രൈവ്, ലോ റേഞ്ച് ട്രാൻസ്ഫർ കേസ് പിൻ ഡിഫറെൻഷ്യൽ ലോക്ക്, മികച്ച ഗ്രൗണ്ട് ക്ലിയറൻസ് എന്നിവ കാരണം ഹൈലക്സ് ഇന്നും ഒരു യഥാർത്ഥ ഓഫ്-റോഡ് പിക്കപ്പാണ്.
മണ്ണ്, കല്ല്, കുത്തനെയുള്ള കയറ്റങ്ങൾ, വെള്ളക്കെട്ടുകൾ എന്നിവയിലൂടെ ആത്മവിശ്വാസത്തോടെ സഞ്ചരിക്കാൻ കൂടി വേണ്ടിയാണ് ഇത് രൂപകൽപ്പന ചെയ്തിരിക്കുന്നത്!
ഇന്റീരിയറിൽ കൂടുതൽ പ്രീമിയം അനുഭവം
കാബിനിൽ ഇൻഫോടെയ്ൻമെന്റ് സിസ്റ്റം, ഡിജിറ്റൽ സവിശേഷതകൾ, മെച്ചപ്പെട്ട മെറ്റീരിയലുകൾ എന്നിവ ഉൾപ്പെടുത്തിയിട്ടുണ്ട്. യാത്രക്കാർക്ക് കൂടുതൽ സൗകര്യപ്രദമായ അനുഭവം നൽകാൻ ക്യാബിൻ ഇൻസുലേഷൻ മെച്ചപ്പെടുത്തിയിട്ടുണ്ട്, പഴയ വണ്ടിയെ അപേക്ഷിച്ച് കുറെ സവിശേഷതകൾ ഇല്ലാതായി എന്നും കാണാം! പിന്നിലെ എ സി, ഡ്യൂവൽ സോൺ ഓട്ടോമാറ്റിക് എസി എന്നിവയൊന്നും ഇപ്പോൾ ഇല്ല.
വിലയും ഇന്ത്യൻ വിപണിയിലെ പ്രത്യേകതകളും
പുതിയ ടൊയോട്ട ഹൈലക്സിന്റെ എക്സ്ഷോറൂം വില ₹37.90 ലക്ഷം മുതൽ ₹49.00 ലക്ഷം വരെയാണ്. ഈ തവണ ടൊയോട്ട കൂടുതൽ ഉപഭോക്താക്കളെ ലക്ഷ്യമിട്ട് 2WD ഓട്ടോമാറ്റിക് വേരിയന്റും അവതരിപ്പിച്ചിട്ടുണ്ട്. നഗര ഉപയോഗത്തിനും ഹൈവേ യാത്രകൾക്കും ഓഫ്-റോഡ് കഴിവ് അത്ര ആവശ്യമില്ലാത്ത വാങ്ങുന്നവർക്കും ഇത് കൂടുതൽ പ്രായോഗികമായൊരു തിരഞ്ഞെടുപ്പായി മാറും.
മറ്റൊരു ശ്രദ്ധേയമായ മാറ്റം, മുൻ മോഡലിൽ ഉപയോഗിച്ചിരുന്ന എയർ-ടു-എയർ ഇന്റർകൂളറിന് പകരം ഇപ്പോൾ എയർ-ടു-വാട്ടർ ചാർജ് കൂളർ ഉപയോഗിക്കുന്നതാണ്. ഇൻടേക്ക് എയറിന്റെ താപനില കൂടുതൽ കാര്യക്ഷമമായി നിയന്ത്രിക്കാൻ ഇത് സഹായിക്കുകയും, സ്ഥിരതയാർന്ന പെർഫോമൻസിനും മികച്ച താപ നിയന്ത്രണത്തിനും സംഭാവന ചെയ്യുകയും ചെയ്യുന്നു.
എന്നാൽ ആഗോള വിപണിയിലെ പുതിയ ഹൈലക്സ്ൽ അവതരിപ്പിച്ച ഇലക്ട്രിക്ക് പവർ സ്റ്റിയറിംഗ് ഇന്ത്യൻ മോഡലിൽ ലഭ്യമല്ല എന്നതാണ് ശ്രദ്ധേയമായ കാര്യം. ഇന്ത്യയിൽ ഇപ്പോഴും ഹൈഡ്രോളിക് പവർ സ്റ്റിയറിംഗ് തന്നെയാണ് തുടരുന്നത്. അതിനാൽ അന്താരാഷ്ട്ര മോഡലുകളിൽ റിപ്പോർട്ട് ചെയ്ത സ്റ്റിയറിംഗ് മെച്ചപ്പെടുത്തലുകൾ ഇന്ത്യൻ ഹൈലക്സ്-ന് ബാധകമല്ല. പുതിയ 2WD ഓട്ടോമാറ്റിക് വേരിയന്റ് ഒരു സ്വാഗതാർഹമായ കൂട്ടിച്ചേർക്കലാണെങ്കിലും, EPS ലഭിക്കാത്തത് ഇന്ത്യൻ ഉപഭോക്താക്കൾക്ക് നഷ്ടമായ ഒരു പ്രധാന അപ്ഡേറ്റായി തന്നെ കാണാം.
ആരാണ് ഹൈലക്സ് വാങ്ങേണ്ടത്?
ഹൈലക്സ് എല്ലാവർക്കും വേണ്ടിയുള്ള വാഹനമല്ല.
എന്നാൽ നിങ്ങൾക്ക് വേണ്ടത്:
- വിശ്വാസ്യതയുള്ള ഒരു പിക്കപ്പ്,
- ദീർഘകാല ഉപയോഗം,
- മികച്ച ഓഫ്-റോഡ് കഴിവ്,
- കഠിന സാഹചര്യങ്ങളിലും ആശ്രയിക്കാവുന്ന വാഹനമെങ്കിൽ,
ഹൈലക്സ് ഇന്നും വിപണിയിലെ ഏറ്റവും ശക്തമായ തിരഞ്ഞെടുപ്പുകളിൽ ഒന്നാണ്.
എനിക്ക് തോന്നുന്നത്
പുതിയ ടൊയോട്ട ഹൈലക്സ് ഒരു വിപ്ലവകരമായ മാറ്റമല്ല. എന്നാൽ ടൊയോട്ട ചെയ്തിരിക്കുന്ന ചെറിയ മെക്കാനിക്കൽ, സാങ്കേതിക, ഡ്രൈവിംഗ് മെച്ചപ്പെടുത്തലുകൾ ചേർന്നപ്പോൾ ഹൈലക്സ് കൂടുതൽ ഉപയോഗസൗഹൃദവും കൂടുതൽ പരിഷ്കൃതവുമായ ഒരു പിക്കപ്പായി മാറിയിരിക്കുന്നു.
വിശ്വാസ്യത, ഓഫ്-റോഡ് കഴിവ്, ദീർഘകാല ഉടമസ്ഥാവകാശ അനുഭവം എന്നിവയ്ക്ക് മുൻഗണന നൽകുന്നവർക്ക് പുതിയ ഹൈലക്സ് ഇന്നും ഏറ്റവും മികച്ച തിരഞ്ഞെടുപ്പുകളിൽ ഒന്നായി തുടരുന്നു.
