2024 ലീഡർ എഡിഷന്റെ വിജയത്തിന്റെ പിൻബലത്തിൽ 2025 ഫോർച്യൂണർ ലീഡർ എഡിഷൻ പുറത്തിറക്കി ടൊയോട്ട കിർലോസ്കർ മോട്ടോർ (ടികെഎം). പുതുക്കിയ സ്റ്റൈലിംഗും പ്രീമിയം ഫീച്ചറുകളും ഉൾപ്പെടുത്തിയ ഏറ്റവും പുതിയ പതിപ്പ്, ഫോർച്യൂണറിന്റെ ആരെയും ആകർഷിക്കുന്ന കമാൻഡിങ് റോഡ് സാന്നിധ്യം വർദ്ധിപ്പിക്കുന്നുണ്ട്.
സമകാലിക സ്റ്റൈലിംഗിനൊപ്പം സമാനതകളില്ലാത്ത പ്രകടനം ആഗ്രഹിക്കുന്ന എസ്യുവി പ്രേമികളുടെ അഭിലാഷങ്ങൾ നിറവേറ്റുന്നതിനായി പുതിയ ഫോർച്യൂണർ ലീഡർ എഡിഷൻ ശ്രദ്ധാപൂർവ്വം രൂപകൽപ്പന ചെയ്തിരിക്കുന്നു. മികച്ച പ്രകടനം, വിശ്വസനീയമായ ഓഫ്-റോഡ് ശേഷി, 2.8 ലിറ്റർ ഡീസൽ എഞ്ചിൻ നൽകുന്ന അസാധാരണമായ യാത്രാ സുഖം എന്നിവ തുടർന്നും നൽകി കൊണ്ട് ഫോർച്യൂണറിന്റെ പാരമ്പര്യത്തിൽ ഉറച്ചുനിൽക്കുന്നതാണ് 2025 ഫോർച്യൂണർ ലീഡർ എഡിഷൻ. 4×2 ഓട്ടോമാറ്റിക്, മാനുവൽ ട്രാൻസ്മിഷൻ വേരിയന്റുകളിലാണ് ലീഡർ എഡിഷൻ ലഭ്യമാവുക. ആറ്റിറ്റ്യൂഡ് ബ്ലാക്ക്, സൂപ്പർ വൈറ്റ്, പേൾ വൈറ്റ്, സിൽവർ എന്നീ നിറങ്ങളിൽ ലഭ്യമാണ്.
ഫ്രണ്ട്, റിയർ ബമ്പർ സ്പോയിലറുകൾ, ക്രോം ഗാർണിഷ് എന്നിവയുള്ള പുതിയ ഗ്രിൽ ഡിസൈൻ ഉൾപ്പെടെ നിരവധി പുതിയ സ്റ്റൈലിംഗ് ഘടകങ്ങൾ 2025 ഫോർച്യൂണർ ലീഡർ എഡിഷന് സവിശേഷ രൂപം സമ്മാനിക്കുന്നു. കറുപ്പ് നിറത്തിലുള്ള ഡ്യുവൽ-ടോൺ റൂഫ് അതിന്റെ പ്രീമിയം എഡ്ജും ബോൾഡ് സ്വഭാവവും വർദ്ധിപ്പിക്കുന്നു. തിളങ്ങുന്ന കറുത്ത അലോയ് വീലുകളും തീർത്തും വ്യത്യസ്തമായ ഹുഡ് എംബ്ലവും എല്ലാ യാത്രയിലും ആരെയും ആകർഷിക്കുന്ന സാന്നിധ്യം ഉറപ്പാക്കുന്നു.
പുതിയ ഫോർച്യൂണർ ലീഡർ എഡിഷന്റെ ഇന്റീരിയറുകൾ അതിന്റെ മെച്ചപ്പെടുത്തിയ സ്പോർടിനസ്സിനെ തൽക്ഷണം പ്രതിഫലിപ്പിക്കുന്നു. കറുപ്പും മെറൂണും നിറങ്ങളിലുള്ള ഡ്യുവൽ-ടോൺ സീറ്റുകളും ഡോർ ട്രിമ്മുകളും ഇന്റീരിയറിൽ വന്ന മാറ്റങ്ങലാണ്. അതേസമയം ഓട്ടോ-ഫോൾഡിംഗ് മിററുകൾ, അലൂമിനേറ്റഡ് സ്കഫ് പ്ലേറ്റുകൾ എന്നിവ സ്റ്റൈലും സൗകര്യവും വർദ്ധിപ്പിക്കുന്നു. ടയർ പ്രഷർ മോണിറ്ററിംഗ് സിസ്റ്റം (ടിപിഎംഎസ്) പോലുള്ള നൂതന സവിശേഷതകൾ വാഹനത്തിന്റെ മൊത്തത്തിലുള്ള സുരക്ഷാ പാക്കേജിനെ കൂടുതൽ ശക്തിപ്പെടുത്തുന്നു. ഫോർച്യൂണറിന്റെ സുഖസൗകര്യങ്ങളുടെയും വിശ്വാസ്യതയുടെയും മുഖമുദ്ര നിലനിർത്തിക്കൊണ്ട് ഡ്രൈവിംഗ് അനുഭവം ഉയർത്തുന്ന തരത്തിലാണ് എല്ലാ വിശദാംശങ്ങളും രൂപകൽപ്പന ചെയ്തിരിക്കുന്നത്.
ടൊയോട്ടയുടെ പ്രശസ്തമായ 1ജീഡി-എഫ്.ടി.വി 2.8 ലിറ്റർ ടർബോചാർജ്ഡ് എഞ്ചിനാണ് 2025 ഫോർച്യൂണർ ലീഡർ എഡിഷന്റെ കാതൽ. മികച്ച പ്രകടനത്തിനും കാര്യക്ഷമതയ്ക്കുമായി വേരിയബിൾ ജ്യോമട്രി ടർബോചാർജർ സജ്ജീകരിച്ചിരിക്കുന്നു. 201ബിഎച്ച്പി പവറും 500 എൻഎം ടോർക്കും നൽകുന്ന ഈ എഞ്ചിൻ 6-സ്പീഡ് മാനുവൽ അല്ലെങ്കിൽ 6-സ്പീഡ് ഓട്ടോമാറ്റിക് ട്രാൻസ്മിഷനുമായി ജോടിയാക്കിയിരിക്കുന്നു. ഇത് സുഗമമായ പവർ ഡെലിവറിയും മെച്ചപ്പെട്ട ഡ്രൈവിംഗ് അനുഭവവും നൽകുന്നു. റിയർ-വീൽ ഡ്രൈവ് (ആർഡബ്ല്യുഡി) 4×2 കോൺഫിഗറേഷനുമായി വന്നെത്തുന്ന പുതിയ ഫോർച്യൂണർ ലീഡർ എഡിഷൻ ശക്തമായ പ്രകടനത്തിനും വൈവിധ്യമാർന്ന റോഡ് സാഹചര്യങ്ങളിലും കരുത്തുറ്റ വാഹന പങ്കാളി ആകുമ്പോൾ തന്നെ ദൈനംദിന ഡ്രൈവിങ് ഉപയോഗങ്ങൾക്കും ഇണങ്ങും വിധം മികച്ച സന്തുലിതാവസ്ഥ പുലർത്തുന്ന വാഹനമാണ്.
ഫോർച്യൂണർ ലീഡർ എഡിഷൻ വേരിയന്റുകളിൽ കുറഞ്ഞ ഇഎംഐകളുള്ള 8 വർഷം വരെയുള്ള ഫണ്ടിംഗ് പ്ലാനുകൾ, ടൊയോട്ട സ്മാർട്ട് ബലൂൺ ഫിനാൻസ്, എക്സ്റ്റൻഡഡ് വാറന്റി, ടൊയോട്ട ജനുവിൻ ആക്സസറികൾ പോലുള്ള മൂല്യവർദ്ധിത സേവനങ്ങൾക്കായി മുൻകൂട്ടി അംഗീകരിച്ച ഓപ്ഷനുകൾ എന്നിവയുൾപ്പെടെ നിരവധി പ്രത്യേക ധനകാര്യ പരിഹാരങ്ങൾ ലഭ്യമാണ്. അഞ്ച് വർഷത്തെ സൗജന്യ റോഡ്സൈഡ് അസിസ്റ്റൻസ്, 5 വർഷം അല്ലെങ്കിൽ 220,000 കിലോമീറ്റർ വരെ നീട്ടാവുന്ന സ്റ്റാൻഡേർഡ് 3-വർഷം/100,000 കിലോമീറ്റർ വാറന്റി, ഇഷ്ടാനുസൃതമാക്കാവുന്ന ടൊയോട്ട സ്മൈൽസ് പ്ലസ് സർവീസ് പാക്കേജ് എന്നിവ അനായാസമായ ഉടമസ്ഥാവകാശ അനുഭവം ഉറപ്പാക്കുന്നു.
15 വർഷങ്ങൾക്ക് മുമ്പ് അരങ്ങേറ്റം കുറിച്ചതു മുതൽ ഫോർച്യൂണർ ഇന്ത്യയിലെ ഏറ്റവും പ്രിയപ്പെട്ടതും വിശ്വസനീയവുമായ എസ്യുവിയായി സ്ഥാനം ഉറപ്പിച്ചിട്ടുണ്ട്. ബുള്ളറ്റ് പ്രൂഫ് വിശ്വാസ്യത, ഗംഭീരമായ റോഡ് സാന്നിധ്യം, കാലാതീതമായ എസ്യുവി ഡിസൈൻ, യഥാർത്ഥ 4×4 ശേഷി എന്നിവയ്ക്ക് പേരുകേട്ട ഫോർച്യൂണർ 3,00,000 യൂണിറ്റിലധികം വിറ്റഴിച്ചുകൊണ്ട് അതിന്റെ വിഭാഗത്തിൽ സമാനതകളില്ലാത്ത മാനദണ്ഡങ്ങൾ സ്ഥാപിച്ചുകൊണ്ടിരിക്കുന്നു.
2025 ഫോർച്യൂണർ ലീഡർ എഡിഷന്റെ ബുക്കിംഗ് 2025 ഒക്ടോബർ രണ്ടാം വാരം മുതൽ ആരംഭിക്കും. ഉപഭോക്താക്കൾക്ക് www.toyotabharat.com എന്ന വെബ്സൈറ്റിൽ ഓൺലൈനായി വാഹനം ബുക്ക് ചെയ്യാം, അല്ലെങ്കിൽ അടുത്തുള്ള ടൊയോട്ട ഡീലർഷിപ്പ് സന്ദർശിക്കാം.